የገቢዎች ሚኒስቴር የኦዲት ግኝት እርምት ለማድረግ እየሰራሁ ነዉ አለ

የገቢዎች ሚኒስቴር በፌደራል ዋና ኦዲተር መስሪያ ቤት የተሰጡ የኦዲት ግኝት አስተያየቶችን የእርምት እርምጃ ለመውሰድ እየተንቀሳቀሰ መሆኑን የሚኒስቴር መስሪያ ቤቱ የውስጥ ኦዲት ዳይሬክተር አቶ ደሳለኝ ገመቹ ተናግረዋል፡፡

አቶ ደሳለኝ ገመቹ እንዳሉት፤ የገቢዎች ሚኒስቴር ከ2004 እስከ 2009 ዓ.ም. በዋና ኦዲተር መስሪያ ቤት ከተገኘበት 11.3 ቢሊዮን ብር የኦዲት ግኝት 1.2 ቢሊዮን ብር ተሰብስቧል፡፡

በተለያዩ ምክንያቶች በወቅቱ እርምጃ ያልተወሰደባቸውን ቀሪ የኦዲት ግኝቶች የእርምት እርምጃ እንዲወሰድባቸው በዋና መስሪያ ቤትና በ17 ቅርንጫፍ ጽሕፈት ቤቶች ግኝቱ የሚመለከታቸውን የሥራ ክፍሎችን በማካተት የቴክንክ ኮሚቴ በሥሩ ያለው ዐብይ ኮሚቴተዋቅሯል፡፡

ኮሚቴዎቹ ድጋፍና ክትትል እንደሚያደርጉና የውስጥ ኦዲት ዳይሬክቶሬትም ሪፖርት በማጠናከርና በመመዝገብ ለሚመለከተው አካል እንደሚያቀርብ ገልጸዋል፡፡ ይህ መደረጉ ለዓመታት እየተንከባለለ የመጣውን የኦዲት ግኝት ለማስተካከል እንደሚያግዝ ዳይሬክተሩገልጸዋል፡፡

አርትስ 22/04/2011