የደቡብ ሱዳን አማጺ መሪ ሪክ ማቻር ዛሬ ወደ ሀገራቸው ይገባሉ

የደቡብ ሱዳን አማጺ መሪ ሪክ ማቻር ዛሬ ወደ ሀገራቸው ይገባሉ

አርትስ 21/02/2011

የደቡብ ሱዳን አማጺ መሪ ሪክ ማቻር ከዚህ ቀደም የተደረሰውን የሰላም ስምምነት ተከትሎ በዛሬዉ ዕለት ወደ አገራቸው እንደሚገቡ የአማጺ ቡድኑ ቃል አቀባይ ገለጸ፡፡

የቀድሞ የደቡብ ሱዳን ምክትል ፕሬዝዳንት ሪክ ማቻር በስደት ከሚኖሩበት አገር ወጥተው ከጥቂት ልዑኮቻቸው ጋር ወደ ዋና ከተማዋ ጁባ እንደሚገቡ ቃል አቃባይ ላም ፓውል ገብሬል ለአሶሺትድፕሬስ ተናግረዋል፡፡

የሰላም ስምምነቱ ሙሉ ለሙሉ እንዲተገበር በሁለቱም ወገን መተማመን ሊኖር እንደሚገባ ቃል አቃባዩ አሳስበዋል፡፡

በአዲሱ ስምምነት መሰረት ሪክ ማቻር እንደገና የአገሪቱ ምክትል ፕሬዝዳንት ይሆናሉ፡፡

ከዚህ ቀደም የተፈጸሙ ሁለት ተመሳሳይ ስምምነቶች በተቀሰቀሰ የእርስ በእርስ ግጭት ምክንያት ተግባራዊ መሆን አለመቻላቸው ተገልጿል፡፡